Handilin í Stiðjagøtu

Handilin hjá Reyða Krossi í Stiðjagøtu 6, er fullur av spennandi klæðum til kvinnur, menn og børn.

Eisini hava vit stórt úrval av smykkum, taskum og skóm.

Opið er millum 10-15 hvønn leygardag.

Vælkomin. ... Sí meira ..Sí minni ..

6 tímar síðan

Sí á Facebook

Likes: 9
Shares: 6
Comments: 0

Viðmerkingar á Facebook

Øll tíðindi ...

Sí fleiri tíðindi

Røða hjá formanninum í Reyða Krossi Føroya
- á aðalfundinum 2018

Háttvirdi aðalfundur og góðu fundarfólk!

Life's most persistent and urgent question is: what are you doing for others? Lívsins mest áhaldandi og átrokandi spurningur er: hvat gert tú fyri onnur?
Henda spurning setti kendi amerikanski mannarættindastríðsmaðurin Martin Luther King, sum doyði fyri sína søk fyri júst 50 árum síðani.

Um Martin Luther King hevði verið til staðar her í dag, so ivist eg ikki í, at hann hevði verið rørdur og glaður um tað megnararbeiðið, sum tit sum sjálvboðin gera fyri tað góða málið.
Tað góða málið at koma øðrum við tað góða málið at rætta út eina hjálpandi hond tað góða málið at geva nakað av tí dýrmætasta - tit eiga- tíð og orku til onnur
tað góða málið at hava yvirskot til at hugsa um onnur enn seg sjálvan

Tit tey sjálvbodnu í Reyða Krossi eiga rætta svarið upp á lívsins mest áhaldandi og átrokandi spurning, og tí hevði eisini King fegnast saman við okkum.

Sum siður er, skal eg sum formaður geva eina frágreiðing um gongdina í Reyða Krossi í 2017, men eg ætlaði eisini at seta nøkur orð á tað, sum liggur fyri framman.

Flestu tykkara hava so drúgva tíð í Reyða Krossi, at eg ikki skal troytta tykkum við at fara aftur til stríðsvøllin við Solferino í 1859, har sovnarin av Reyða Krossi Henry Dunant gekk runt og hjálpti teimum særdu, men stutt staðfesta, at ongantíð áður hevur Reyða Krossur livað eitt sunnari lív, enn hann ger nú, men tíverri ongantíð áður hevur so nógv brúk verið fyri Reyða Krossi, sum júst nú. Har nátturukreftirnar við skerpingi, vatnflóðum, melduródnum og jarðskjálvtum ikki gera um seg, so syrgja vit menniskju við politiskum átøkum fyri, at stórur partur av heiminum er ótryggur og líður stóra neyð, har uppreistrarbólkar eirindaleyst drepa og pína frá hond, og har borgarakríggj herja.

Reyði Krossur Føroya varð stovnaður í 1926 sum ein sjálvstøðug eind. Vit eru okkara egni felagsskapur, hava okkara egnu skipanir við okkara egnu fíggjarviðurskiftu og eru ikki undirløgd boðum frá øðrum felagsskapum innan Reyða Kross. Tí er okkara skipan serføroysk, men hin vegin so hava vit sera tætt samstarv við danska Reyða Kross, tá talan er um at røkka út í heim við okkara hjálparveitingum. Av tí, at vit ikki eru sjálvstøðug tjóð, so er okkara altjóða umboðan gjøgnum danska Reyða Kross.
Tað er ein "mýta", tá sagt verður, at Reyði Krossur Føroya hevur somu lukrativa lønarlag, sum eitt nú er kent fyri umsitingina hjá danska Reyða Krossi, og at stórur partur av okkara pengum fer til umsiting. Lønarlagið hjá okkum er tað føroyska lønarlagið, og tí eiga vit hvør í sínum lagi at afturvísa "mýtunum" um, at nakar ríkar seg upp í arbeiði fyri Reyða Kross. Reyði Krossur hevur tvey lønt starvsfólk í niðursettari tíð, og tað er samlaðu lønarútreiðslurnar hjá felagsskapinum. Øll vit onnur eru sjálvboðin og ólønt. Henda boðskap eiga vit at bera fram á torg, tá tað er neyðugt.

Hyggja vit so eftir, hvussu umsitingin hjá okkum er í mun til í grannalondunum, so er myndin aftur eitt talandi dømi um føroyskt lítiðlætni og afturhald.
Danski Reyði Krossur hevur á leið 1000 lønt starvsfólk, sum umroknað til føroysk viðurskifti vildi sagt, at vit skuldu havt ein 10 fólk á skrivstovuni. Taka vit Reyða Kross Ísland, so arbeiða har 120 fólk á skrivstovuni. Umroknað til føroysk viðurskiftu, so hevði hetta svarað til, at vit høvdu eini 20 fólk á skrivstovuni.
Nevndin setti Gunnleyg Durhuus sum skrivstovuleiðara frá 1. jan. 2017. Frá 1. juni fór Gunnleyg niður í tíð, so pláss gjørdist fyri at seta Maigun Solmunde í starv sum skrivstovufólk. Bárður Atlason Ísheim varð settur í tíðaravmarkað verkætlanarstarv, sum hevði sum endamál at fyriskipa eina familjulegu fyri fólki við tilflytarabakgrund. Men frá 1. jan. 2018 valdi Gunnleyg at siga seg úr starvi sum leiðari av skrivstovuni, og hevur Bárður síðan røkt starvið. Hann er ungur við sera hollari fakligari bakgrund og við tí ágrýtni, hann higartil hevur víst, so er Bárður avgjørt ein fongur fyri Reyða Kross, so vit hava í teimum báðum Bárða og Maigun eina góða manning á skrivstovuni.

Fyrsta virksemisøkið, sum Reyði Krossur fór í gongd við alt frá byrjanini av, var at veita samarittahjálp. Tað var júst henda hjálpin, Henry Dunant tókst við á vígvøllinum við Solferino. Tí er tað so umráðanid fyri Reyða Kross Føroya, at vit hava eina aktiva og dugnaliga samarittatænastu at bjóða fram.
Tíverri hevur tað ikki gingið so væl við hesi tænastu seinastu tíðina. Samarittarnir hava verið misnøgdir um rættiliga nógv viðurskiftu og hava víst ein ávísan hug til at gevast. Hetta hevur harmað okkum í nevndini almikið, tí ein Reyða Kross felagsskapur uttan samarittar er ikki ein rættur Reyða Kross felagsskapur.
Nevndin og serliga skrivstovuleiðarin hava saman við samarittunum arbeitt sera málrættað við at fáa greinað hesar trupulleikar og at fáa teir loystar. Í tøttum samstarvi við fólk úr danska Reyða Kross og okkara egnu samarittum hevur verið arbeitt við at fyriskipa skeiðum. Hølistrupulleikarnir, sum eisini hava fylt sera nógv, hava eisini verið nógv viðgjørdir, og nevndin arbeiðir miðvíst saman við samarittunum og skrivstovuni ímóti at finna fram til eina loysn, sum gagnar øllum.
Nevndin hevur givið týðiliga til kennar, at vit vilja gera tað, sum neyðugt er, soleiðis at samarittarnir hjá Reyða Krossi eisini í framtíðini fara at trívast og framvegis verða sjónligir til festivalar og stevnum her í Føroyum.

Tá røtt verður um hølisviðurskifti, so mugu vit tó øll viðurkenna, at Reyði Krossur Føroya í dag er ognari av tveimum bygningum - einum á Bryggjubakka og einum her í Stiðjagøtu. Tað er eisini umráðandi, at vit øll, uttan mun til, hvar vit starvast í felagsskapinum, viðurkenna, at eingin eigur einsamallur rætt til ávís høli. Vit mugu eisini viðurkenna, at tað at fara út í býin og leiga høli, tá vit sjálvi eiga bygningar, sum vit partvís leiga út, gevur ikki rættiliga meining. Tí arbeiðir nevndin nú málrættað við hølisspurninginum, sum skal enda við nøkrum niðurstøðum, har vit gagnnýta hølini optimalt, og har vit fáa dagført og endurnýggja høli, sum í dag treingja til stórar ábøtur. Hetta er ikki lætt, og hetta er heldur ikki ókeypis, men við einari felags fatan av, at tað er Reyði Krossur, sum eigur hølini og ikki eitt ávíst virksemisøki, og við einari felags fatan av, at nevndin vil gera tað, sum gagnar øllum felagsskapinum best, so skal tað at bera til.

Í 2017 gav útbúgvingin av fyrstuhjálparum 47.500 kr. Hetta er væl meira enn árið frammanundan. Líkt er til, at samfelagið gerst alt meira tilvitað um týdningin av, at so nógv sum gjørligt hava grundleggjandi fyrstuhjálparskeið. Tað eru nógv talandi dømi um, at tá okkurt hendur onkrum, so er tað rættilig avgerandi fyri, um lívið kann bjargast, at fólk við grundleggjandi førleikum kunnu taka hond um sjúklingin. Tí er tað eyðsýnt, at júst hetta virksemisøkið kann fara at økjast, eisini tí, at vit í samráðingum við Mentamálaráðið arbeiða við at fáa fyrstuhjálp sum fast skeið í framhaldsdeildina í fólkaskúlanum. Men hetta setur so eisini Reyða Krossi krøv um, at vit fáa fleiri instruktørar, enn vit hava í dag.
Ársins fystuhjálpari er eisini við til at varpa ljós av týdningin av at duga fyrsthjálp. Í ár fór ársins fyrstuhjálpara virðisløn til Jógvan Thomsen og Kim Anders Nielsen, sum bjargaðu einari kvinnu, sum fekk hjartasteðg í einum ferðavinnubussi norðuri í Saksun. Harumframt so metti okkara nevnd, sum ger tilmælini um ársins fyrsthjálp, at Jóngerð Nielsen skuldi hava ársins fyrstuhjálpara virðisløn fyri sálarliga fyrstuhjálp í samband við syrgiligu motorsúkkluvanlukkuna á Vestmannevegnum.

Endurnýtsluvirksemi hjá Reyða Krossi, sum er vorðin ein sera týðandi partur av okkara fíggjarliga grundarlagi, hevur eini 85 sjálvboðin. Vit hava fýra endurnýtsluhandlar við klædnahandlum á Bryggjubakka, í Stiðjagøtu, suðuri í Vági og Bókasøluni í Vágsbotni.
Bryggjubakkahandilin gav 240.000 kr í fjør, og var tað ein vøkstur í mun til í 2016. Stiðjagøta gav 495.000 kr í fjør í mun til góð 300.000 kr árið fyri. Hetta má sigast at vera eitt frálíkt úrslit, og alt bendir á, at tað gongur framá við søluni. Ein forðing er, at handilin tørvar fleiri sjálvboðin. Handilin suðuri í Vági gav 48.000 kr í fjør, sum er á leið tað sama sum árið fyri. Bókasølan hjá monnunum í Vágsbotni gav í fjør 162.000 kr, og tað má sigast at vera sera gott, tá hugsað verður um, at hvør bók kostar 5 kr. Hetta skuldi so svarað til, at góðar 30.000 bøkur vóru seldar, og tað kunnu fáir bókahandlar erpa sær av.

11 eru sjálvboðin í okkara klædnainnsavning, har vit hava níggju binjgur standandi runt landið. Hesar bingjur verða um stutta tíð útskiftar við nýggjar, og vit fara at økja talið av bingjum upp í 20 bingjur, soleiðis at vit betur røkka runt alt landið. Bingjurnar koma síðst í apríl ella mei mánaða. Tá klæðini eru komin inn í Stiðjagøtu, so verða tey skild. Í hesum virkseminum eru eini 30 sjálvboðin. Klæðini verða skild á tann hátt, at tann frægasti parturin verður brúktur av okkara endunýtsluhandlum, meðan restin verður send av landinum.
Fram til á várið 2017 vórðu yvirskotsklæðini send til Danmarkar. Men hetta gav ikki nakað til Reyða Kross Føroya, so vit gjørdu í fjør nýggja avtala við eitt týskt felag í Bremerhaven, sum bjóðar okkum munandi betri treytir. Eitt nú fáa vit innsavningarbingjurnar fyri einki, og vit fáa 2,60 kr pr. kilo. Í fjør gav sølan av klæðum til Týsklands 180.000 kr, og tá var hon ikki í gildi alt árið. Henda avtala átti at gjørt, at tað nú er munandi meira motiverandi fyri tey, sum savna inn og skilja klæðir, at øll klæðini geva felagsskapinum pengar.

Klædnahjálpin, sum fór undir virksemi sítt í 2013, letur klæðir ókeypis til familjur við børnum í Føroyum, sum eru illa fyri fíggjarliga. Hetta er eitt virksemisøki, sum vit av góðum grundum ikki hoyra so nógv um, tí aloftast fer tænastan fram eftir avtalu við viðkomandi familjur. Men tað er einki yvir at dylja, at henda tænastan hevur sera stóran týdning fyri tey fólk, sum hava brúk fyri henni. Umframt barnafamiljurnar letur Klædnahjálpin eisini klæðir til Herbegið og Kvinnuhúsið.

Landsinnsavningin gav í fjør 836.000 kr svarandi til 16,50 kr pr. føroying. Hetta er munandi hægri enn, hvat miðaltalið er í okkara grannalondum. Á leið 400 fólk eru virkin í landsinnsavningini, og vit eru sera takksom fyri teirra íkast. Kappingin um leygardagarnar er hørð, tí tað eru altíð onnur stór tiltøk sama dag, sum innsavningin er. Eisini hava vit havt trupulleikar at fáa mannað allar ruturnar her í Havn, og tí verður neyðugt at leggja hetta eitt sindur øðrvísi til rættis í ár.

Vitjunartænastan er ein tænasta, har vit bert frætta um sera góðar afturmeldingar. Vit hava nú 26 vitjunarvinir, sum hava vitjað í 1153 tímar. Harafturat hava vit nú tvey sokallaði Undirhús - eitt á Lágargarði og eitt á Boðanesheiminum. Reyði Krossur hevur verið við til at sett á stovn hesa tænastur í Vága kommunuøki, Sandoyar kommunuøki, Norðoyar kommunuøki og á Tvøroyri.

Seinni árini er alsamt fleiri tilflytarar komnir til Føroya, og fleiri og fleiri teirra koma úr ikki ES-londum, men eitt nú Miðeystri, Asia og Afrika. Síðan 2015 hevur Reyði Krossr arbeitt við tiltakinum Sambinding, har føroyingar og tilflytarar møtast til hugnaliga samveru og fáa tosað um vanligar trupulleikar, sum tilflytarar møta, tá tey koma higar.
Eisini verður arbeitt við at hava ein størri familjulegu norðuri í Nesvík fyri tilflytarafamiljur.

Í fjør læt Reyði Krossur 1.800.000 kr í neyðhjálp, harav Føroya Landsstýri kom við 1 mió, kr, sum fór til Sýria. Av teimum 800.000 kr, sum Reyði Krossur læt í neyðhjálp, so fór henda hjálpin til Suður Sudan, Mynamar og til Grønlands.
Tá vit senda hesar upphæddir avstað, so royna vit at fáa pengarnar at strekkja so væl sum møguligt og at koma so nógvum til hjálpar sum gjørligt.

Av tiltøkum, sum liggja fyri framman kann eg stutt nevna, at vit fara at hava ein hugnadag fyri øllum teimum sjálvbodnu, har vit fara at taka evni upp, sum hava týdning fyri felagsskapin - eisini fyri menningina og trivnaðin.
Eisini fara vit her at kunna um ætlanina at fáa sett á stovn eina skipan við delegatum, sum eru sjálvboðin fólk úr Reyða Krossi, sum binda seg til at taka út í heim, tá boð er eftir teimum at veita bráðfeingis praktiska neyðhjálp á staðnum. Henda skipan verður gjørd í samstarvi við danska Reyða Kross.

ABC fyri sálarliga heilsu verður støðugt arbeitt við saman við øðrum felagsskapum og kommunum, Endamálið er at eggja fólki til at gera eitthvørt fyri at styrkja sálarligu heilsuna hjá sær sjálvum og øðrum. Hjá okkum verður henda ætlan gjørd undir heitinum "Í Reyða Krossi trívast vit."

Nevndin er eisini av tí áskoðan, at tíðin nú er komin, at vit fara undir at seta orð á okkara egnu mál í tí arbeiði, vit gera fyri Reyða Kross. Onkur vil kalla hetta strategi-arbeiði, og tað er ivaleryst ikki heilt skeivt, meðan onnur heldur kalla tað trivnaðarætlanir. Vit ætla at fáa umboð fyri allar virksemisbólkarnar saman við nevnd og skrivstovu at seta orð á, hvat veruliga endamálið er við tí virksemi, økið fæst við, og hvussu kunnu vit menna økið, og hvussu kunnu vit tryggja, at trivnaður millum tey sjávbodnu er so góður sum gjørligt. Ein viðkomandi spurningur í hesum sambandi er eisini, hvussu vit á bestan hátt kunnu samstarva við onnur virkemisøki innan Reyða Kross.

Góðu fundarfólk!
Ivaleyst eru mong viðurskiftu, sum kundi verði betri í Reyða Krossi. Men, um vit øll viðurkenna, at so er og við opnum sinni eru hugaði alla tíðina til at betra um hesi viðurskiftu, so gera vit tingini rætt. Eg kann fyri nevndina siga, at einki liggur okkum meira upp á hjartað enn at fáa Reyða Kross at vera ein livandi felagsskap, har vit øll trívast og hava tað gott saman.
Framvegis hava vit nógv jørn í eldinum, og tað skal ein livandi felagsskapur altíð hava. Vit hava ætlanir um menning á fleiri økjum kanska serliga innan samarittar og útbygging av samstarvi við bjargingarfeløg og fjallabjargarar. Ferðavinnan er í stórum vøkstri, og tað vísir seg heilt týðiliga, at tað er meira átrokandi við bjarging á landi enn á sjónum. Her liggja spennandi avbjóðingar. Vit hava fingið okkara egna sjálvbodna liðlækna Hans Jacob Simonsen, sum við áræði og ágrýtni er sinnaður at fara undir eina stóra menning innan hetta sera viðkomandi økið.
Vit í nevndini kundi eisini hugsað okkum at farið undir eina greiðari og smidligari mannagongd í okkara innanhýsis samskifti, soleiðis at vit skjótari kunnu taka mál upp, sum virksemisøkini halda er ein trupulleiki. Stutt sagt, at vit koma hvørjum øðrum skjótari við, og at vit betur hoyra og skilja hvønn annan. Vit, sum nevnd, er bara ein annar partur av virksemisøkjunum hjá Reyða Krossi, sum hevur tað heilt serligu uppgávu at fáa alt at ganga so væl sum gjørligt. Tí eigur frástøðan frá teimum sjálvbodnu, har tey enn eru, til nevndina at gerast so stutt sum gjørligt.
Sum aldargamalt land við seyðahaldi, so vita vit øll, hvussu stóran týdning tað hevur at fáa sett við. Vit mugu væl ásanna, at miðalaldurin hjá okkum sjálvbodnu er rættiliga høgur. Alt gott um tað, tí tað hevur týdning fyri tann einstaka at vera aktivur so leingi sum møguligt. Men hin vegin hevði tað verið spennandi og motiverandi at sæð nakað av ungum fólki millum tey sjálvbodnu. Kundi vit hvør í sínum lagi eggjað ungum fólki til at tikið táttin upp her, so var nógv vunnið.
Eg byrjaði hesa frágreiðing við einum sitati hjá Martin Luther King. Lat meg enda við einum øðrum sitati frá sama manni. Hann segði, at um ein maður ikki hevur viðurskifti, hann er til reiðar at doyggja fyri, er hann ikki egnaður at liva.
Takk fyri. ... Sí meira ..Sí minni ..

1 vika síðan

Sí á Facebook

Likes: 22
Shares: 1
Comments: 2

Viðmerkingar á Facebook

Flottur og vísur maður 👍

Góð røða og góður aðalfundur

Tíðindaskriv frá Reyða Krossi Føroya

Leygardagin 7. apríl 2018 hevði Reyði Krossur Føroya aðalfund í hølunum í Stiðjagøtu í Havn. Nøkur av nevndarumboðunum stóðu fyri vali, og er nevndin nú mannað soleiðis:

Jóannes Eidesgaard, formaður Tórfinn Højgaard, næstformaður Mary Ann Thomsen, kassameistari Kristianna Winther Poulsen, skrivari Eyðritt Guttesen Leyni, nevndarlimur Hans Jacob Simonsen, eykalimur Bergljót Ihlen, eykalimur

Umframt hjálpararbeiðið, sum Reyði Krossur hevur staðið fyri her heima, so sendi Reyði Krossur 800 tús. kr. í neyðhjálp út í heim í fjør, og varð henda upphæddin býtt til Suður Sudan, Myanmar og Grønlands. Harumframt sendi Reyði Krossur 1 mió. kr, sum Føroya Landsstýri læt til Sýria.
Á aðalfundinum varð Jógvan (Egga) Jensen heiðraður fyri fjøruti ára trúgva tænastu sum undirvísari við fyrstihjálparaskeið, sum Reyði Krossur hevur staðið fyri.

Tórshavn 8. apríl 2018
Reyði Krossur ... Sí meira ..Sí minni ..

2 vikur síðan