HVØR ER ÁRSINS FYRSTUHJÁLPARI 2020?

Reyði Krossur Føroya sóknast eftir uppskotum at heiðra sum Ársins Fyrstihjálpari 2020.

Tann, sum er í uppskoti, skal í farna ári á serligan hátt hava givið kropsliga ella sálarliga fyrstuhjálp.

Reyði Krossur ynskir at varpa ljós á týdningin av at duga fyrstuhjálp og at eggja fólki at læra seg fyrstuhjálp, so fleiri lív kunnu bjargast.

Einstaklingar, virkir og stovnar kunnu lata inn uppskot, ið verða viðgjørd av fyrstuhjálparinstruktørunum og nevndini hjá Reyða Krossi.

Uppskot kunnu sendast til Reyða Krossi Føroya í seinasta lagi mikudagin 20. januar 2021 á frymlinum á heimasíðuni, á t-postaddressuna redcross@redcross.fo ella sum vanligur postur til Stiðjagøta 6, 100 Tórshavn.

Ársins Fyrstihjálpari 2020 verður tilnevndur mikudagin 3. februar 2021 kl. 15:00 hjá Reyða Krossi í Stiðjagøtu 6 í Tórshavn.

Tilnevning

Ársins Fyrstihjálpari 2020
Tilnevningarfrymil

Tú hevur eisini møguleika at heinta oyðublaðið sum pdf-fíla