Gerst flóttahjálpari

For English, click HERE.

Við tí endamáli at hjálpa, har neyðin er størst, hevur Reyði Krossur skyldu til at hjálpa, tá flóttafólk koma til Føroya. Reyði Krossur bjóðar áhugaðum at gerast sjálvboðin innan tilbúgvingina Flóttahjálpin, sum fyri fyrstu ferð varð sett í verk í februar 2022.

Flóttahjálpin er sostatt eitt netverk av sjálvbodnum og øðrum áhugaðum, hvørs endamál er at veita stuðul, hjálp og vegleiðing til flóttafólk í Føroyum.

Søkt verður eftir sjálvbodnum, ið vilja verða partur av Flóttahjálpini.

Ætlanin er at Flóttahjálpin skal kunna veita tænastur, so sum:

  • Flutning og stuðul í samband við komu í Føroyum
  • Sosialt netverk og stuðul við praktiskum viðurskiftum
  • Finna og leiga bústað, har tað er gjørligt
  • Tulkatænastu á fremmandamálum
  • Hjálpa fólki at finna burturmista familju gjøgnum Restoring Family Links

Øll tey, ið vilja gerast flóttahjálparar, kunnu tekna seg her.

Reyði Krossur vil fegin vísa víðari til feløg/fyritøkur/stovnar við viðkomandi førleikum, tilboðum og tænastum, og eru áhugaði feløg/fyritøkur/stovnar tí hjartaliga vælkomin at skráseta seg her.