Gerst flóttahjálpari
Reyði Krossur arbeiðir í løtuni við at gera eina tilbúgvingarætlan, sum kann setast í verk um ella tá flóttafólk eru í Føroyum. Tilbúgvingin verður sostatt ikki íverksett fyrr enn hendan støðan er íkomin, ella við vissu er við at taka seg upp.
Sum heimsins størsti hjálparfelagsskapur, hevur Reyði Krossur skyldu til at hjálpa, um flóttafólk koma til Føroya, hvørt tað skuldi verið í morgin ella í framtíðini. Tí verður nú arbeitt við at gera eina tilbúgvingarætlan.
Ein partur av tilbúgvingarætlanini verður Flóttahjálpin, sum er eitt netverk av sjálvbodnum og øðrum áhugaðum, hvørs endamál er at veita stuðul, hjálp og vegleiðing til flóttafólk í Føroyum.
Søkt verður tí eftir sjálvbodnum, ið vilja verða partur av Flóttahjálpini hjá Reyða Krossi.
Ætlanin er at Flóttahjálpin skal kunna veita hjálp, so sum:
- Finna ella útvega bústað, har tað er gjørligt
- Koyring til bústað við komu
- Tulkatænastu á fremmandamálum
- Hjálpa flóttafólki at finna burturmista familju gjøgnum Restoring Family Links
- Mat- og klædnahjálp
- Búnýti og innbúgv
- Vegleiðing og stuðul ísv. heilsukanning
- Sálarlig ráðgeving frá løggildum sálarfrøðingi
- Sosialari ráðgeving frá sosialráðgevum
- Sosialari samveru, rundvísing og málvenjing við Familjuvini
- Fíggjarligari veiting, eitt nú lummapeningur
- At finna starv
Øll tey, ið vilja gerast flóttahjálparar, kunnu tekna seg her.
Reyði Krossur vil fegin vísa víðari til feløg/fyritøkur/stovnar við viðkomandi førleikum, tilboðum og tænastum, og eru áhugaði feløg/fyritøkur/stovnar tí hjartaliga vælkomin at skráseta seg her.