Skeiðið fevnir millum annað um:

• Fyrstahjálp, fet fyri fet, tá talan er um hjartasteðg, við og uttan AED (hjartastartara).
• Fyrstahjálp, tá talan er um størri vanlukkur í ferðsluni, á arbeiðsplássinum, við hús og tá talan er um brádliga íkomna sjúku og skaðar.
• Handfara el-vanlukkur, fremmandalikam í andaleiðini, skálding, brunasár, brot á armar og bein, skaðar á nakka/rygg og høvd
• Meta um persónar, senda boð eftir hjálp á 1-1-2, leggja í legu, og sálarlig fyrstahjálp.

Eftir fullført skeið fært tú eitt fyrstuhjálparprógv, ið er altjóða góðkent, umframt fyrstuhjálparbók og annað skeiðstilfar.

Eitt víðkað skeið í fyrstuhjálp er 12 tímar til longdar og kostnaður er 700 kr. fyri hvønn luttakara.

Fyritøkur, stovnar og bólkar kunnu venda sær til Reyða Kross fyri at fáa eitt tilboð.