Eitt av endamálunum hjá Reyði Krossi Føroya er at fremja vinalag og altjóða fatan millum fólk tvørtur um landamørk. Reyði Krossur hevur síðani 2016 skipað fyri afturvendandi átakinum Sambinding, sum virkar fyri at fremja integratión, við at skapa møguleika fyri at tilflytarar og uppruna føroyingar hittast. Í 2018 var avgjørt at víðari menna integratiónsøkið hjá Reyða Krossi, og tí varð skipað fyri Føroya fyrstu Familjulegu ætlað fólkið við tilflytarabakgrund. Sum nakað nýtt, fer Reyði Krossur nú undir eitt átak at veita tilfluttum útlendskum familjum ella einstaklingum møguleika at koma í samband við føroyingar, ígjøgnum Familjuvinir.