Tíðindi

(English below) Málkafé í Klaksvík byrjar aftur í dag og verður annan hvønn hósdag millum kl. 17-19 á Klaksvíkar bókasavn frá 28. septembur til 7. desembur 🤩

Málkafé er eisini á Býarbókasavninum í Havn hvønn hósdag millum kl. 17-19 👏

Kennir tú onkran, ið hevur hug at venja føroyskt? Deil hetta uppslagið, og fortel teimum um málkaféirnar 📢

Hevði tað verið spennandi at stuðla tilflytarum við at hjálpa teimum at venja føroyskt? Kom framvið og vita, um tað er nakað fyri teg at at vera sjálvboðin á málkafé.

Fylg Málkafé / Language Café - Reyði Krossur á facebook og instagram ✅
_______________________________________________________________
EN: What great news from the Red Cross Málkafé / Language Café in Klaksvík - they are starting again today for the autumn season 😍

The informal language café runs every other Thursday from today the 28th September to 7th December, and is open between 17:00-19:00 at the library in Klaksvík, Klaksvíkar bókasavn 👏

The language café is also in Býarbókasavnið in Tórshavn every Thursday between 17:00-19:00 👋

Do you know a fellow international in the Faroes, who wants to practice Faroese while meeting and socialising with others? Let them know about the language café by sharing this post <3

Follow Málkafé / Language Café - Reyði Krossur on facebook and instagram for regular updates.Ready to drop in to our language café?

See you tomorrow in Klaksvík between 17-19 🥰
Remember, it is a drop in, so you can come and go as you please 😉 ... Sí meira ..Sí minni ..

1,7 milliónur krónur savnaðar inn til hjálpararbeiðið ❤️

Hjartans tøkk til øll sjálvboðin, ið hava gingið við bússu til Landsinnsavningina, og ikki minst takk til øll, ið hava stuðlað og sostatt verið við til at savna 1,7 milliónur krónur inn til árligu landsinnsavningina hjá Reyða Krossi.

Takka verið góðu innsavningina senda vit beinanvegin 750.000 kr. til at hjálpa neyðstøddum, sum beint nú eru ávirkað av ræðuligu vanlukkunum í Libya og Marokko.

- 500.000 kr. verða sendar til hjálpararbeiði í Libya eftir at ein oyðileggjandi vatnflóð hevur skolað heil grannaløg á sjógv, oyðilagt infrastruktur og elvt til, at fleiri túsund hava latið lív. Tey, ið eru komin undan við lívinum, hava átrokandi tørv á neyðhjálp so sum vatni, mati, skjóli og sálarligum stuðli.
- 250.000 kr. verða sendar til hjálpararbeiði eftir ógvusliga jarðskjálvtan í Marokko. Fleiri av harðast raktu økjunum eru smáar bygdir høgt í Atlasfjøllunum, har nógv hava mist alt. Reyði Krossur á staðnum fór í gongd við bjargingararbeiði beinanvegin, og við hjálp frá øðrum Reyða Kross feløgum verður áhaldandi arbeitt við at veita neyðhjálp, so sum mat og innivist.

Peningurin frá landsinnsavningini verður eisini nýttur til hjálpararbeiði í Føroyum, eitt nú til:
- Mat- og Klædnahjálpina, til tey, ið hava ilt við at fáa endarnar at røkka saman,
- Vitjanartænastuna, ið er við til at basa einsemi,
- Samarittarnar, ið økja um tryggleikan til tiltøk kring landið,
- Integratiónsarbeiði, ið stuðlar tilflytarum og flóttafólki at fella til í Føroyum

P.S. Vart tú ein av teimum, sum gingu við bússu, og ert tú forvitin eftir at vita, hvussu nógv kom í? Á redcross.fo/takk-fyri-studulin sæst eitt yvirlit við úrslitunum frá øllum bússunum. Øll, ið gingu við bússu, vóru eisini við í lutakastinum um tvey gávubrøv frá Atlantic Airways – hepnu vinnararnir fáa beinleiðis boð. ... Sí meira ..Sí minni ..

Í gjár, leygardagin 2. september, gingu fleiri hundrað sjálvboðin hús í hús kring alt landið, fyri at savna pening inn til hjálpararbeiðið hjá Reyða Krossi ⛑

Meðan innsavningin uttanfyri havnina er frammanundan skipað við føstum innsavnarum, so er innsavningin í Tórshavn skipað soleiðis, at litið verður á, at fólk møta upp hjá Reyða Krossi, og heinta sær eina bússu.

Tíverri var veðrið ikki við okkum hendan dagin, og tað hevði við sær, at mong í Tórshavn aftraðu seg at fara út og savna inn, orsakað av ringa veðrinum 🌧

Hetta er sjálvandi harmiligt, tí vit vita, at nógv væntaðu sær vitjan av Reyða Krossi.

Tí hevur Reyði Krossur gjørt av, at savnað verður inn, á teimum rutum, sum manglaðu, næsta leygardag – 9 september.

Hjartans tøkk til øll, ið longu hava stuðlað, gingið við bússu og á annan hátt hjálpt okkum at hjálpa ❤️ ... Sí meira ..Sí minni ..

Enn eru fleiri enn 45 rutur tøkar í sambandi við landsinnsavningina í havn ⛑

Lat teg í regnklæðir og kom oman á Bryggjubakka eftir eini bússu og eini rutu. Vit hava kaffi á kannuni, sunkist til børnini og opið til kl. 17 💕 ... Sí meira ..Sí minni ..