Um hjálpararbeiðið í Føroyum

Reyði Krossur Føroya virkar fyri at hjálpa við sjálvbodnari orku, har ið neyðin er størst, bæði heima í Føroyum og úti í heimi.

Í samsvari við endamál og meginreglur hjá Reyða Krossi, eru fleiri virksemisøkir í Føroyum m.a:

• Mat- og Klædnahjálpin hjálpir borgarum í Føroyum, ið ikki eru so væl fyri fíggjarliga við at lata klæðir og frystan døgurðamat.
• Vitjanartænastan er við til at basa einsemi.
• Samarittarnir økja um tryggleikan til tiltøk í Føroyum.
• Summarlegan gevur børnum úr fíggjarliga og sosialt útsettum familjum góð summarminnir.
• Reyða Kross Vinir stuðla tilflytarum í Føroyum at fella til.
• Málkafé er eitt trygt stað, har tilflytarar kunnu venja føroyska málið.
• Familjulegan hevur til endamáls at betra um integratión og trivnað hjá tilflytarum í Føroyum.
• Flóttahjálpin veitur stuðul og hjálp til flóttafólk í Føroyum.
• Undirvísing í kropsligari fyrstuhjálp tryggjar grundleggjandi førleikar í at hjálpa neyðstøddum, eitt nú í sambandi við hjartastopp.
• Endurnýtsluvirksemið er við til at tálma umhvørvisdálking, tryggjað at góðar vørur fáast fyri ein rímiligan prís, umframt at avlopið verður brúkt til hjálpararbeiði.
• Tilbúgvingarátøk, so sum Hjálparnetverkið, ið eru virkin tá kreppur raka í Føroyum.
• Hjálparpakkar til viðkvæmar bólkar í Føroyum, eitt nú í samstarvi við Barnabata og Kvinnuhúsið.

Áleið 400 sjálvboðin eru regluliga virkin í Reyða Krossi Føroya, árið runt.

Niðanfyri kanst tú hoyra samrøðu við formannin í Reyða Krossi, Jóannes Eidesgaard, ið var í sendingini Aktuelt hin 5. februar 2021, har hann greiðir frá virkseminum hjá Reyða Krossi, bæði í Føroyum og úti í heimi.