Innsavningar

Reyði Krossur skipar á hvørjum ári fyri landsinnsavning um í september mánað. Vit ganga hús úr húsi við bússum og savna inn pening til hjálpararbeiði okkara í Føroyum og uttanlands. Landsinnsavningin 2017 verður leygardagin 16. september.

Umframt árligu landsinnsavningina savna vit inn pening til hjálpararbeiði okkara alt árið.

Til ber at stuðla hjálpararbeiðinum hjá Reyða Krossi á heimasíðuni á konto okkara í føroysku peningastovnunum og gjøgnum okkara innsavningar-telefonnummar 90 56 56. Hvørja ferð tú ringir á 90 56 56, stuðlar tú Reyða Krossi við 150 krónum.

Afturat hesum skipar Reyði Krossur stundum fyri bráðfeingis innsavningum í sambandi við ógvusligar hendingar og støður.