Nevndin

REYÐI KROSSUR STYRKIR MÓTSTØÐUFØRIÐ HJÁ NEYÐSTØDDUM Í MALAVI

Hóast Malavi, sum er kent fyri sítt gestablídni, verður kallað ”Heita Hjartað í Afrika”, so líða nógvir malavar stóra neyð. Malavi telist millum heimsins fátækastu og minst framkomnu lond, og meir enn helvtin av borgarunum liva undir fátækramarkinum. Harumframt liggur Malavi í einum ábærum øki, sum á hvørjum ári er fyri náttúruvanlukkum, so sum skerpingi og flóð. Vánalig atgongd er til heilsu- og reinføristænastur, sum hava alstóran týdning fyri heilsuna og vælveruna hjá borgarum. Serliga eru tað mammur og børn undir fimm ára aldur, sum eru sárbær í hesum støðum.

Ein onnur avbjóðing í Malavi er skúlagongd. Serliga illa stendur tað til hjá skúlagentum; einans 29% av gentunum, sum byrja í fyrsta flokki, fullføra útbúgvingina. Høvuðsorsøkirnar til fráfallið í útbúgving eru hjúnaband á ungum aldri, barnsburður og familjuskyldur. Í Malavi verða áleið 50% av gentum giftar áðrenn tær eru 18 ára gamlar.

Reyði Krossur Føroya lat síðst í farna ári 150.000 kr. til eina verkætlan hjá Reyða Krossi í Malavi, við heitinum ”Community Resilience Programme”. Endamálið við hesi verkætlan er trífaldað. Fyrst er tað at menna heilsu- og reinføristænastur, harímillum tryggja reint drekkivatn og upplýsing um kynsliga heilsu, fyribyrging og familjufyrireikingar. Næsta endamálið er at síggja til, at tað verður upplýst um veðurlag, og kunnað um amboð og førleikar sum skulu fyrireika og minka um avleiðingarnar av náttúruvanlukkum. Seinasta endamálið er at styrkja mótstøðuføri hjá børnum og ungum, sum er framtíðin í Malavi. Hetta verður eitt nú gjørt við at eggja til betri skúlagongd og útbúgvingar, umframt førleikamenning, sum skal betra um arbeiðs- og inntøku møguleikarnar hjá ungum malavum.

Samstundis lat Reyði Krossur Føroya 50.000 kr. til Barnalandið í Malavi, eins og hevur verið gjørt seinastu árini. Barnalandið í Malavi hjálpir millum annað við foreldraleysum og útsettum børnum við at stuðla teimum at fara undir skúlagongd, og bjóðar barnaansing, mammubólkar og ungdómsarbeiði. Ein partur av hesi játtanini er frá privatum gevarum, sum hava oyramerkt stuðulin til Barnalandið í Malavi, og ein partur er frá Reyða Krossi Føroya. ... Sí meira ..Sí minni ..

3 dagar síðan

Sí á Facebook

View Comments

Likes: 5
Shares: 0
Comments: 0

Viðmerkingar á Facebook

HØLIR TIL LEIGU Á BRYGGJUBAKKA

Ovasta hædd á Bryggjubakka 10 til leigu. Talan er um tvey skrivstovuhøli, har tað eina hevur sera gott útsýni út yvir Vágsbotn, og hitt vendir niðan ímóti Havnar kirkju.

Atgongd er til vesi og køk. Hølini kunnu eitt nú brúkast til skrivstovu ella líknandi.

Reyði Krossur ynskir at fáa uppskot til mánaðarleigu frá áhugaðum.

Ring 283630 ella skriva til redcross@redcross.fo, um tú vilt hoyra meira. ... Sí meira ..Sí minni ..

3 dagar síðan

Sí á Facebook

View Comments

Likes: 13
Shares: 0
Comments: 0

Viðmerkingar á Facebook

Øll tíðindi ...

Sí fleiri tíðindi

Nevndin

Formaður/Chairman

Kassameistari

Nevndarlimur

Næstformaður

Skrivari

Varalimur

Varalimur