Skrivstovan

NEYÐHJÁLP TIL 1400 FAMILJUR Í SUÐUR SUDAN

Støðan í Suður Sudan er sera hættislig í løtuni. Næstan ein millión børn liva undir hungursmarkinum, og neyðin krevur fleiri lív hvønn dag.

Kríggið hevur trýst familjur út í mýrulendi, burtur frá vápnaða stríðnum, men inn í vónloysi og hungur. Einki er at eta og einki lendi at dyrka. í verandi løtu er Reyði Krossur tí í gongd við at fylla flogfør við bráfeingis neyðhjálp.

Reyði Krossur Føroya hevur tí avgjørt at senda kr. 518.000 til Reyða Krossi í økinum. Tað svarar til fimm flogfør við bráfeingis neyðhjálp, ið røkkur til at hjálpa 1400 familjum.

- kr. 103.600 røkka til at fylla eitt flogfar við bráfeingis neyðhjálp til 280 familjur.
- kr. 500 røkka til at viðgera 10 hungraði børn og bjarga lívum.
- kr. 370 røkka til at geva einari familju bønir, korn og matolju í ein heilan mánað.

Um tú ynskir at stuðla Reyða Krossi við hesum endamáli, ert tú vælkomin at flyta eina upphædd til 6460 – 4946954 ella á 9181 – 4950013, og viðmerkja ”Suður Sudan”. ... Sí meira ..Sí minni ..

5 dagar síðan