Søgan hjá Reyða Krossi í Føroyum

Reyði Krossur í Føroyum var stovnaður 2. apríl 1926, tá ið stovnandi aðalfundur varð hildin.

Nýggj lóg, í 17 greinum, varð samtykt á fundinum, og ein 7 manna nevnd varð vald til felagið.

Fyrsta nevndin skipaði seg soleiðis: Amtslæge H. Heerup, Formand. Mejerist C. O. Joensen, N. Form. & Sekretær. Frk. Bodil Mohr, Kasserer. Lærer Sørensen, Mdl. af forretningsudvalg. Hini í nevndini vóru: Massøse Frk. Olsen. Kommis A. Bærentsen. Typograf Wangsen.

Fyrstu tíðina gjørdi felagið nógv við at savna pening inn, og so høvdu teir eisini fleiri skeiðir.

Undir krígnum vóru fleiri stórar innsavningar, og nógvir pengar komu inn, og teir vóru so sendir runt Heim, har tað varð brúk fyri teimum.

Eftir kríggi keypir Reyði Krossur nógvan fisk, sum teir senda niður til Evropa.

Í fimtiárunum hjálpi Reyði Krossur fleiri privatum føroyingum við at fáa til vega hjálpitól og heilvág. Í 1953 savnaði Reyði Krossur 6.000 kr. og 10.000 sekkir til Hollands, har yvirflóð hevði verið.

Í 1966 varð Reyði Krossur Føroyar 40 ár. Gudrið Olsen og Zacharias Sørensen høvdu verið nevndarlimin øll árini, og fyri tað fingu tey “Dansk Røde Kors fortjentsmedalje som anerkendelse for udmærket og fortjenstfuld indsats for Dansk Røde Kors.” Pauli Dahl fekk sama heiðursmerki fyri hansara 37 ár sum formaður.

Í 1976-77 fekk Reyði Krossur til vega tríggjar brúktar sjúkrabilar úr Danmark. Bilarnir vóru latnir til Fuglafjaðrar bjargingarfelag, Kollafjaðrar bjargingarfelag og Vága bjargingarfelag.

Í 1982 byrjaði vitjanartænastan hjá Reyða Krossi.

Í 1983 fekk Aage Dahl Michelsen Dansk Røde Kors Fortjensttegn.

Í 1994 keypir Reyði Krossur gomlu hølini hjá Radiohandlinum á Bryggjubakka til felagshøli.

Í 1995 verður Reyði Krossur Føroya sjálvstøðugt felag, so nú er tað ikki longur felag undir Dansk Røde Kors.

Í 2000 vitjaði Heindrikur prinsur Reyða Kross, hann er verji hjá Dansk Røde Kors.

Reyði Krossur er í altjóða høpi partur av Røde Kors www.rodekors.dk .