1. Broytingaruppskot

§9
Øll, sum búgva ella hava arbeiðsadressu í Føroyum kunnu gerast limur í Reyða Krossi Føroya.

verður broytt til:

§9
Øll, sum búgva ella hava arbeiðsbústað í Føroyum og sum taka undir við endamáli og meginreglunum hjá Reyða Krossi, kunnu gerast sjálvboðin í Reyða Krossi Føroya, og kunnu gerast limir í Reyða Krossi Føroya. Áheitan um at steðga limaskapi, ið gongur ímóti ynskinum hjá liminum, verður avgjørd av nevndini. Limaskapur er ein fortreyt fyri at verða valdur í álitissessir, og fyri at vera virksemisleiðari. Arbeiði, sum t.d. nevndararbeiði, arbeiðsbólkar, álitissessir, virksemisbólkar o.l. er sjálvboðið og ólønt.

2. Broytingaruppskot

§10
Stk. 6. Atkvøðurætt og valbæri, ið skulu vera myndug, hava/eru bert limir í Reyða Krossi Føroya. Atkvøðurætturin kann útinnast við skrivligari fulltrú. Eingin limur kann hava meira enn eina fulltrú. Til at broyta viðtøkurnar krevst at 2/3 av teimum limum ið eru á fundi játta tí. Broyting av § 1, 2, 3, 4, 5, 6, 7, 8, 9 og 10. Stk. 6 í viðtøkunum hjá Reyða Krossi Føroya, krevur góðkenning frá stýrinum hjá Dansk Røde Kors.

verður broytt til:

§10
Stk. 6 Limaskapur tryggjar atgongd til aðalfundin. Atkvøðurætt hava øll, ið hava goldið limagjaldið. Tað er ikki loyvt at atkvøða við fulltrú. Fyri nýggjar limir skal limagjaldið vera goldið 60 dagar áðrenn aðalfundin. Hvør limur hevur eina atkvøðu. Valbærur er tann, ið hevur goldið limasgjaldið.
Stk 7 Valskeiðið er tvey ár fyri nevndarlimir og eitt ár fyri tiltakslimir. Øll embæti kunnu afturveljast.
Stk. 8 Ein og hvør avgerð krevur vanligan meiriluta.
Stk. 9 Skrivlig atkvøðugreiðsla kann verða kravd til persónsval.
Stk. 10 Til at broyta viðtøkurnar krevst, at 2/3 av teimum limum, ið eru á fundi, játta tí.
Stk. 11 Broyting av § 1, 2, 3, 4, 5, 6, 7, 8, 9 og 10. Stk. 6-11 í viðtøkunum hjá Reyða Krossi Føroya, krevur góðkenning frá nevndini hjá Røde Kors í Danmark.
Verandi Stk. 7 verður broytt til stk. 12.

3. Broytingaruppskot

Nýtt §12
Roknskaparárið hjá Reyða Krossi Føroya byrjar hin 1. januar og endar 31. desembur.
Stk 2. Grannskoðan
Roknskapurin hjá Reyða Krossi Føroya verður grannskoðaður av ríkisgóðkendum granskoðara.

4. Broytingaruppskot

Nýtt §13
Reyði Krossur Føroya skrásetur limir og sjálvboðin á landsskrivstovuni, ið skrásetur navn, bústað, teldupostaddressu, telefonnummar og virksemisøki. Reyði Krossur Føroya skrivar undir felags trygging til øll sjálvboðin. Sjálvboðin á virksemisøkjunum skulu skriva undir Reyða Kross avtaluna.

5. Broytingaruppskot

Nýtt §14
Landsskrivstovan hevur virkisbústað í Tórshavn.
Stk. 2. Aðalskrivarin
• er stjóri fyri landsskrivstovuni og setur í starv og sigur upp lønt starvsfólk.
• hevur ábyrgd fyri virkseminum hjá landsskrivstovuni.
• skal ikki vera virkin politiskt.

6. Broytingaruppskot

Alt eftir um nýggju broytingaruppskotini verða samtykt, fáa §12, 13, 14 og 15 nýtt nummar:
• §12 verður til §15
• §13 til 16
• §14 til §17
• §15 til §18