Reyða Kross Vitjanartænastan

Nærvera og eitt hugnaligt prát hjálpa ímóti einsemi. Øll fáa gleði av góðari samveru - bæði tann, ið vitjar og tann, ið fær vitjan. Reyði Krossur ynskir, at vit saman hjálpa móti einsemi, tí hava vit Reyða Kross Vitjanartænastuna. Les meir um at vera vitjanarvinur her.

Reyði Krossur hevur vitjanartænastu í nógvum kommunum í Føroyum. Vit ynskja eisini at kunna bjóða vitjanartænastu aðrastaðni í Føroyum. Um tú heldur, at tørvur er á vitjanartænastu í tínum býi ella bygd, og tú ynskir at seta hetta í verk saman við Reyða Krossi, er tú vælkomin at seta teg í samband við okkum.