Brennir tú fyri humaniterum hjálpararbeiði?
Ger mun sum sjálvboðin í Reyða Krossi.
Tú gert sjálv/ur av, hvussu nógva tíð tú vilt nýta uppá sjálvbodna virksemið, eins og tú sjálv/ur gert av, hvørjum tú vilt arbeiða við. Okkum tørvar fleiri sjálvboðin á øllum økjunum, ung som eldri.
Sum sjálvboðin í Reyða Krossi, hjálpir tú okkum at hjálpa, har neyðin er størst.
Tekna teg sum sjálvboðin við at útfylla frymilin á hesi síðu ella set teg í samband við okkum á redcross@redcross.fo ella tel. 283630.
Tú kanst gera mun ✨
Í Reyða Krossi leita vit altíð eftir eldsálum, ið hava hug at gera mun fyri onnur ❤️
Ljóðar tað sum nakað fyri teg? Í løtuni leita vit serliga eftir sjálvbodnum til tvey økir:
📚 Gerst sjálvboðin í Bókasøluni
Dámar tær væl bøkur? Kom og ger mun í Bókasøluni. Uppgávurnar eru serliga at syrgja fyri, at handilin verður latin upp og aftur, umframt at sortera bøkur. Í Bókasøluni kanst tú vera við til at tæna einum góðum endamáli – og kanska finna tína næstu yndisbók?
🤝 Gerst sjálvboðin Reyða Kross Vinur
Sum Reyða Kross Vinur ert tú við til at stuðla tilflytarum og flóttafólki at fóta sær í føroyska samfelagnum. Tín stuðul kann gera stóran mun í lívinum hjá einum, ið júst er byrjaður at kalla Føroyar heima.
Vilt tú vera við at gera mun sum sjálvboðin? 👉 Tekna teg á redcross.fo/sjalvbodin/
Eitt lítið stig frá tær kann gera stóra mun fyri onnur 🌍❤️
Ert tú ein samskipari við áhuga fyri humaniterum hjálpararbeiði? ⛑
Reyði Krossur Føroya leitar eftir einum ágrýtnum samskipara til eitt tíðaravmarkað starv, meðan okkara samskipari er í barnsburðarfarloyvi. Talan er um ein spennandi møguleika, har tú kanst vera við til at gera mun og geva títt íkast til hjálpararbeiði, samstundis sum tú eisini gerst partur av einum heimsumfevnandi felagsskapi, ið virkar fyri at hjálpa, har neyðin er størst.
⛑ Um felagsskapin
Reyði Krossur Føroya virkar fyri at hjálpa, har ið neyðin er størst, bæði í Føroyum og kring heimin. Umleið 450 sjálvboðin eru regluliga virkin í Reyða Krossi Føroya í m.a. vitjanartænastu, samarittum, integratión og endurnýtslu. Alt arbeiðið hjá Reyða Krossi byggir á aðalreglurnar: at vera menniskjalig, ópartísk, uttanveltað, óheft, sjálvboðin, ein eind og at vera algildug. Les meira um Reyða Kross á www.redcross.fo
👉Arbeiðsuppgávur
Sum samskipari kemur tú at arbeiða við nógvum ymsum uppgávum, millum annað:
• Samskipa tað sjálvbodna arbeiðið, við serligari ábyrgd av endurnýtsluni og Mat- og klædnahjálpini
• Samskifti, m.a. at svara telefonini, skriva tekst til heimasíðuna, leggja út á sosialar miðlar osv.
• Røkja dagligar umsitingaruppgávur
• Skipa fyri verkætlanum og tiltøkum
• Menna og útvega tilfar til Reyða Kross Føroya
• Fyrifallandi praktiskar uppgávur
👉Vit vænta, at tú
• Hevur áhuga fyri humaniterum arbeiði og brennir fyri at gera mun fyri onnur
• Ert álítandi, skipað/ur og tekur fegin á teg nýggjar avbjóðingar
• Dugir væl at samstarva og samskifta við ymisk fólk
• Hevur góðar telduførleikar
• Ert til reiðar at taka eitt eyka tak, tá tað er nógv at gera
👉Eisini er tað ein fyrimunur, um tú
• Hevur royndir við sjálvbodnum arbeiði
• Hevur viðkomandi útbúgving og/ella royndir við eitt nú skrivstovuarbeiði ella samskifti
• Hevur koyrikort til vanligan bil.
📅 Vit kunnu bjóða tær
Eitt spennandi og fjølbroytt starv í einum dynamiskum og livandi umhvørvi, har tú fært møguleika at seta tín dám á, hvussu arbeiðið verður skipað.
Talan er um eitt fulltíðarstarv á 40 tímar um vikuna í upp til eitt ár, meðan samskiparin er í barnsburðarfarloyvi.
Løn og setanartreytir eru sambært avtalu. Starvsstaðurin er í Tórshavn.
👉Umsókn
Hevur hetta tín áhuga, ert tú vælkomin at senda eina umsókn og viðkomandi skjøl á starv@redcross.fo í seinasta lagi 1. desember 2024.
Meiri kunning um starvið fæst við at venda sær til Sigrið Zachariasen, dagligan leiðara í Reyða Krossi Føroya, á sigridz@redcross.fo ella á tel. 286674.
Bæði @kristajohnsdottir og @jogvanskeel vóru í klødd í stási frá okkara endurnýtsluhandlum til landsinnsavningina! ✨😍💃🏼🫶🏼🕺🏼🤩
Reyða Kross Føroya
- Sosialt arbeiði í Føroyum
- Stuðla altjóða hjálpararbeiði
- Tilbúgving
- Endurnýtsla
Les meira um, hvat tú kanst vænta, tá tú leigar ein bústað út til flóttafólk.
- Sosialt arbeiði
- Stuðla altjóða hjálp
- Hava tilbúgving
- Hava endurnýtslu handlar
Stuðla okkara stuðlum, teir stuðla okkum.
Reyði Krossur Føroya
Við sjálvbodnari orku tálmar og bøtur Reyði Krossur Føroya um menniskjaliga neyð, líðing og mismun. Reyði Krossur er heimsins størsti hjálparfelagsskapur. Vit hjálpa í gerandisdegnum og tá stór vanlukka er. Frá fyrstahjálparkassanum í bilinum til kríggj hinumegin jørðina. Vit leggja dent á alheims hjálpararbeiði okkara og sosialu íløgu okkara í Føroyum. Vit eyðmerkja tey, ið eru mest viðkvom og tryggja at virki okkara er miðvíst teimum.
Endurnýtsla
Reyði Krossur hevur fýra endurnýtsluhandlar. Eina bókasølu og tveir klædnahandlar í Tórshavn, og ein klædnahandil í Vági.
Samarittar
Samarittarnir eru til staðar á festivalum, stevnum, ítróttartiltøkum og ymiskum øðrum tiltøkum kring landi.
Fyrstahjálp
Fyrstahjálp er hent at duga og kann bjarga lívum! Vilt tú læra at geva fyrstuhjálp? Ynskir tú, at tíni starvsfólk duga fyrstuhjálp?
Vitjanartænasta
Vitjanartænastan virkar fyri at basa einsemi í Føroyum. Øll fáa gleði av góðari samveru – bæði tann, ið vitjar og tann, ið fær vitjan.
Mat- og Klædnahjálp
Mat- og Klædnahjálpin letur mat og klæðir til einstaklingar og familjur, ið ikki eru so væl fyri fíggjarliga.
Stuðla
Stuðla hjálpararbeiðinum við at gera eina peninga flyting á okkara konto í føroysku peningastovninum.