Klædnainnsavning og skiljing

Klædnabingjurnar hjá Reyða Krossi eru at finna uttanfyri FK í Klaksvík, Fuglafirði,  Trongisvági og Miðvági, uttanfyri Maskinhandilin í Saltangará, umframt uttanfyri Á í Vestmanna, uttanfyri kommunuskrivstovuni/bókasavnið á Sandi og uttanfyri bygningin hjá Reyða Krossi í Stiðjagøtu 6, Tórshavn.

Bingjurnar verða tømdar hvørja viku, undantikið aðruhvørja viku í Suðuroynni og á Sandi.

Innsavnaðu klæðini verða avskipað til skiljingar í Stiðjagøtu. Klæðini verða skild soleiðis, at ein partur fer til Klædnahjálpina, ein partur til endurnýtsluhandlarnar á Bryggjubakka, í Stiðjagøtu, og í Vági, meðan ein partur verður seldur til klædnaendurnýtslu í Týsklandi.

Okkum tørvar fleiri sjálvboðin at hjálpa til við endurnýtlsluni. Kundi tú hugsað tær at roynt teg sum sjálvboðin í Reyða Krossi, hoyra vit fegin frá tær. Tekna teg HER.